Amazfit компанияси глобал бозорда ўзининг янги Чеетаҳ 2 Ultra смарт-соатини тақдим этди. Ушбу модел яқинда чиққан Чеетаҳ 2 Pro версиясининг янада такомиллаштирилган варианти бўлиб, у каттароқ АМОЛEД экран, сиғимли аккумулятор ва титан қотишмасидан ишланган мустаҳкам корпус билан ажралиб туради. Бу ҳақда Ixbt.com хабар беради.
Қурилманинг асосий устунлиги — унинг батарея қуввати. 780 мА·соат сиғимли аккумулятор оддий фойдаланиш режимида 30 кунгача, ГПС фаол бўлганда эса 60 соатгача ишлаш имконини беради. Бу каби кўрсаткичлар ёрқин экран ва доимий навигацияга эга смарт-соатлар учун жуда юқори натижа ҳисобланади.
Соат 1,5 дюймли АМОЛEД дисплей билан жиҳозланган бўлиб, унинг ёрқинлиги 3000 нитгача етади. Ички хотира ҳажми 64 GB га етказилгани туфайли фойдаланувчилар смартфонга уланмасдан туриб кўпроқ мусиқа ва хариталарни сақлашлари мумкин. Шунингдек, янги ҲС3с процессори ва 180 дан ортиқ спорт режимлари спортчилар учун қулайлик яратади.
Қурилма 5 АТМ даражасидаги сув ўтказмаслик хусусиятига эга ва тўпламда иккита алмаштириладиган тасма билан бирга келади. Amazfit Чеетаҳ 2 Ultra аллақачон сотувга чиқарилган бўлиб, унинг нархи Европада 599 евро, АҚШда эса 599 долларни ташкил этади.
“Zamin”ни Telegram'да ўқинг!
