Смартфонлар кўплаб иловалар ва тиниmsиз билдиришномалар туфайли диққатни жамлашга халақит бериши мумкин. Poppy номли янги илова тақвим, электрон почта, хабарлар ва бошқа манбаларни ягона бошқарув панелига бирлаштириб, ушбу тартибсизликни бартараф этишни мақсад қилган. Компания таъкидлаганидек, Poppy сизнинг ўрнингизга барча муҳим маълумотларни кузатиб боради. Бу ҳақда Techcrunch.com хабар беради.
Илова фойдаланувчининг электрон почта, тақвим ва жойлашув каби маълумотларини сунъий интеллект ёрдамида таҳлил қилиб, айни дамда нима муҳимлигини аниқлайди. Масалан, агар тақвимингизда бўш вақт бўлса ва сиз парк яқинида бўлсангиз, Poppy сизга сайр қилишни таклиф қилиши мумкин. Шунингдек, у дўстларингиз билан учрашувларни режалаштиришда уларнинг диди ва хоҳишларини ҳисобга олган ҳолда ресторанлар тавсия этади.
Poppy шахсий ёрдамчи каби ишлайди: у парвозларни кузатиб боради, жадвал ўзгаришлари ҳақида огоҳлантиради ёки дори ичиш вақти келганини эслатади. Илова асосчиси Саи Камбампати инсон ва компьютер ўзаро таъсирини янги босқичга олиб чиқишни мақсад қилган. Унинг сўзларига кўра, замонавий сунъий интеллект технологиялари компьютерларга фойдаланувчи эҳтиёжларини олдиндан сезиш имконини бермоқда.
Ҳозирги вақтда Poppy Apple Календар, Google Календар, Gmail, Outlook, iCloud Маил, Apple Ҳеалтҳ, iMessage ва WhatsApp каби машҳур хизматлар билан интеграциялашган. Шунингдек, Uber ва Instacart иловалари билан ҳам ишлайди. Maxфийликни таъминлаш мақсадида фойдаланувчи маълумотлари шифрланади ва булутли LLM моделларидан фойдаланилганда маълумотларни сақламаслик сиёсати қўлланилади.
“Zamin”ни Telegram'да ўқинг!
