Нюкасл Юнайтед юлдузи Антҳонй Гордон Бундеслигага ўтиш йўлида муҳим қадам ташлади. Хабарларга кўра, англиялик вингер Бавария клуби билан шахсий шартнома шартлари бўйича келишувга эришган. Германия гранди ўз ҳужум чизиғини кучайтириш мақсадида 25 ёшли футболчини ёзги трансфер ойнасидаги асосий нишон сифатида белгилаган. Бу ҳақда Goal.com хабар беради.
Бироқ, клублар ўртасидаги музокаралар ҳали якунига етмаган. Нюкасл Юнайтед ўз етакчиси учун 75 миллион фунт стерлингдан кам бўлмаган маблағ талаб қилмоқда. Гарчи нарх юқори бўлса-да, Бавария раҳбарияти трансферни амалга оширишга умид қилмоқда.
Нюкасл Юнайтед бош мураббийи Эддие Ҳове футболчининг жамоага содиқлигини таъкидлаб, миш-мишларни рад этди. Унинг сўзларига кўра, Гордон машғулотларда бор кучини бермоқда ва таркибдаги ўзгаришлар фақат тактик характерга эга.
Антҳонй Гордон жорий мавсумда барча мусобақаларда 17 та гол уриб, ўзининг юқори савиясини намойиш этди. Агар трансфер амалга ошса, у Бавария сафида Англия терма жамоаси сардори Гарри Кейн билан бирга тўп суради.
“Zamin”ни Telegram'да ўқинг!
