Аргентина гранди «Бока Хуниорс» клубида спорт директори алмашди: ушбу лавозимга Марсело Делгадо тайинлангани расман эълон қилинди. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Манбага кўра, «Бока» таркибни тез фурсатда кучайтиришга муҳтож. Шу боис Делгадо ва Рикелме дуэти трансферлар ва жамоани мустаҳкамлаш масалаларида фаол иш олиб бориши кутилмоқда.
Делгадо футболчилик фаолиятида ҳам танилган: у Аргентина терма жамоасида 1995–2002 йилларда 18 та учрашув ўтказган ва 1998 йилги Жаҳон чемпионатида ҳам иштирок этган.
Шунингдек, у 2003 йилда Либертадорес кубогининг энг яхши тўпурари бўлган. Делгадо бу натижани «Сантос» ҳужумчиси, бразилиялик Рикардо Оливейра билан бирга қайд этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
