Александр Головин «Монако» сафида аллақачон саккизинчи мавсумини ўтказмоқда. Россия терма жамоасининг собиқ футболчиси Андрей Канчельскис фикрича, агар имконият бўлганида, ярим ҳимоячи аввалроқ Дортмунднинг «Боруссия» клубига ўтиши керак эди. Бу ҳақда euro-football.ru хабар беради.
Канчельскиснинг айтишича, немис жамоаси Головинга қизиқиш билдирган бўлса, у Бундеслигада ўзини синаб кўриши маъқул вариант бўларди. Ҳозир эса футболчи мавсумни якунигача «Монако»да ўтказиб, кейин келажаги бўйича қарор қабул қилгани тўғрироқ, дея унинг сўзларини «RB Sport» келтиради.
Головин «Монако» таркибида жами 256 та расмий учрашувда майдонга тушган. Ушбу ўйинларда россиялик футболчи 36 та гол уриб, 42 та голли узатма муаллифи бўлган. Transfermarkt портали уни 18 миллион евроқа баҳоламоқда.
“Zamin”ни Telegram'да ўқинг!
