Ўзбекистонда бу йил муборак Қурбон ҳайити 27 май куни нишонланиши расман тасдиқланди. Бу ҳақда 20 май куни Президентнинг “Муборак Қурбон ҳайитини нишонлаш тўғрисида”ги қарори қабул қилинди.
Қарорга мувофиқ, мамлакатда тинчлик-осойишталик, меҳр-оқибат ва ҳамжиҳатлик муҳитини янада мустаҳкамлаш мақсадида Ўзбекистон мусулмонлари идорасининг 2026 йилда Қурбон ҳайитининг биринчи куни 27 май — чоршанбага тўғри келиши ҳақидаги ахбороти маълумот учун қабул қилинди ҳамда ушбу сана байрам сифатида кенг нишонланиши белгиланди.
Шунингдек, Ўзбекистон Меҳнат кодексининг 208-моддасига асосан Қурбон ҳайитининг биринчи куни расман ишланмайдиган байрам куни ҳисобланади.
Қайд этилишича, Президентнинг 2025 йил 24 декабрдаги ПФ–257-сонли фармонига мувофиқ, қўшимча дам олиш кунлари ҳам белгиланган.
Жумладан:
— барча ходимлар учун 28 май — пайшанба ва 29 май — жума қўшимча дам олиш куни бўлади;
— олти кунлик иш ҳафтасида меҳнат қиладиганлар учун 30 май — шанба ҳам дам олиш куни этиб белгиланган.
“Zamin”ни Telegram'да ўқинг!
