«Антальяспор» ҳимоячиси Георгий Джикия Туркиядаги жамоасида қандай аҳволда эканига доир саволларга жавоб қайтарди. 32 ёшли футболчининг сўзлари акс этган видео «FNL s Ilovym» телеграм-каналида эълон қилинди. Бу ҳақда euro-football.ru хабар беради.
Қисқа мулоқотда Джикиядан клубдаги ишлари қандай кетаётгани сўралди. У эса ҳаммаси жойида эканини айтиб, Туркияда ўзини тўлиқ қониқарли ҳис қилаётганини табассум билан тасдиқлади.
Эслатиб ўтамиз, Джикия «Антальяспор» сафига ўтган ёзда келиб қўшилган. Шундан буён у 13 учрашувда майдонга тушиб, 2 та гол муаллифига айланган.
Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
