Стабле Диффусион яратувчиси бўлган Stability AI компанияси Стабилитй Audiо 3.0 деб номланган янги аудио моделлар оиласини эълон қилди. Компаниянинг таъкидлашича, ушбу сериядаги энг илғор модел олти дақиқадан ортиқ давом этадиган профессионал даражадаги мусиқаларни генерация қилиш имкониятига эга. Янги оила тўртта моделни ўз ичига олади: смалл СФХ, смалл, медиум ва 2.7 миллиард параметрга эга бўлган ларге модели. Бу ҳақда Techcrunch.com хабар беради.
Кичик моделлар қурилмаларнинг ўзида икки дақиқагача бўлган товуш ва мусиқаларни яратишга мўлжалланган. Медиум ва ларге версиялари эса 6 дақиқа 20 сониялик тўлиқ композицияларни ярата олади. Бу 2024-йилда чиқарилган Стабле Audiо 2.0 имкониятларидан икки баравар кўпдир. Stability AI кичик ва ўрта моделларини очиқ кодли (опен веигҳтс) кўринишда тақдим этди, бу эса фойдаланувчиларга уларни ўзгартириш ва шахсий мақсадларда қўллаш имконини беради.
Энг йирик модел фақат API ва пуллик хизматлар орқали фойдаланиш учун очиқ. Шунингдек, даромади 1 миллион доллардан ошадиган компаниялар корпоратив лицензия олишлари талаб этилади. Ҳозирда Google ва ElevenLabs каби гигантлар ҳам мусиқа генерацияси соҳасида ўз воситаларини ишлаб чиқмоқда. Бироқ, Suno ва Удио билан боғлиқ суд жараёнлари кўрсатганидек, муаллифлик ҳуқуқи ва лицензиялаш масаласи ушбу хизматларнинг келажаги учун ҳал қилувчи аҳамиятга эга.
Stability AI ўзининг янги моделларини тўлиқ лицензияланган маълумотлар асосида ўқитганини маълум қилди. Компания ўтган йили Варнер Мусик Груп ва Универсал Мусик Груп билан ҳамкорлик шартномаларини имзолаган эди. Шунингдек, стартап профессионал мусиқачилар учун янги маҳсулотлар тўпламини ишлаб чиқмоқда ва бу йўналишни бошқариш учун Универсал Audiо собиқ раҳбари Этҳан Каплан жамоага қўшилди.
“Zamin”ни Telegram'да ўқинг!
