Россиялик ҳимоячи Георгий Джикиянинг агенти Малик Арутюнов футболчининг келажаги борасида фикр билдирди. Бу ҳақда euro-football.ru хабар беради.
Агентнинг айтишича, Джикия «Анталяспор»даги маош тўловлари кечикаётганидан норози. Шу боис у Россия Премьер-лигасидаги клублардан келаётган вариантларни кўриб чиқмоқда. Арутюнов таъкидлашича, кечикишлар ноябр ойидан бери давом этмоқда, қолган жиҳатларда эса футболчи Туркиядаги шароитдан мамнун.
32 ёшли ҳимоячи «Анталяспор» сафига ўтган ёзда қўшилганди ва турк клуби билан икки йиллик шартнома имзолаган.
Жорий мавсум Туркия Суперлигасида Джикия 12 учрашувда майдонга тушиб, 2 гол урди ҳамда 3 та сариқ карточка олди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
