Океанлар улкан ҳудудни эгаллаган бўлиб, бу ҳукуматлар, юк ташиш компаниялари ва суғурта провайдерлари учун денгизда содир бўлаётган воқеаларни реал вақт режимида кузатишни қийинлаштиради. Замонавий кемаларнинг аксарияти ҳали ҳам эскирган технологиялар билан ишламоқда. Виржиния штатида жойлашган Қуартермастер стартапи ушбу муаммони ҳал қилиш учун “СмартМаст” деб номланган махсус тизимни ишлаб чиқди. Бу кема мачтасига ўрнатиладиган, камералар ва радиоузаткичлардан иборат об-ҳавога чидамли сенсорлар тўпламидир. Бу ҳақда Techcrunch.com хабар беради.
Қуартермастер асосчиси ва бош директори Неил Собиннинг сўзларига кўра, СмартМаст ҳозирги стандарт ҳисобланган AIС (автоматик идентификация тизими)дан анча илғор. AIС тизими жуда содда бўлиб, фақат жойлашув сигналларини узатади ва фирибгарликка мойил. Жиноятчилар контрабанда ёки санкцияларни четлаб ўтиш учун AIС маълумотларини осонгина сохталаштириши ёки тизимни ўчириб қўйиши мумкин. Қуартермастер технологияси эса бундай манипуляцияларга чидамли бўлиб, бутун дунё бўйлаб миллионлаб кемаларни ягона интеллектуал тармоққа бирлаштиришни мақсад қилган.
Ушбу лойиҳа инвесторларда катта қизиқиш уйғотди ва компания Сериес А молиялаштириш босқичида 43 миллион доллар инвестиция жалб қилди. Раундга Фирст Роунд Капитал ва Қуиет Капитал венчур жамғармалари бошчилик қилди. Фирст Роунд ҳамкори Билл Тренчарднинг таъкидлашича, Қуартермастер океан маълумотларини йиғишдаги асосий тўсиқ — қимматбаҳо ускуналар муаммосини ҳал қила олган ва денгиз операторларининг иш услубини бутунлай ўзгартирмоқда.
Ҳозирги кунда СмартМаст билан жиҳозланган 600 дан ортиқ кема 10 миллион квадрат мил океан майдонини қамраб олган. Тизим нафақат бошқа кемаларни аниқлаш ва хавфсизликни таъминлаш, балки денгиз автономияси устида ишлаётган компаниялар учун маълумотлар йиғишда ҳам қўлланилмоқда. Шуниси эътиборлики, ушбу технология ёрдамида ҳозиргача денгизда 20 дан ортиқ қутқарув операциялари муваффақиятли амалга оширилган.
“Zamin”ни Telegram'да ўқинг!
