"Антальяспор" ҳимоячиси Георгий Джикиянинг агенти Малик Арутюнов футболчининг келажаги бўйича фикр билдирди. Бу ҳақда euro-football.ru хабар беради.
Агентнинг айтишича, Джикия маошнинг кечиктирилаётгани сабабли вазиятдан норози ва шу боис Россия Премьер-лигаси клубларидан тушаётган вариантларни кўриб чиқмоқда. Маошлар ноябр ойидан бери ушланиб келаётгани таъкидланди, қолган масалаларда эса у Туркиядаги шароитдан мамнун.
32 ёшли ҳимоячи "Антальяспор" сафига ўтган ёзда қўшилган ва турк клуби билан икки йиллик шартнома имзолаган.
Жорий мавсум Туркия Суперлигасида Джикия 12 та учрашувда майдонга тушди, 2 та гол урди ва 3 марта сариқ карточка олди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
