Мадриднинг «Реал» бош мураббийи Альваро Арбелоа Чемпионлар лигасида «Бенфика»га қарши бўладиган баҳс олдидан фикрлари билан ўртоқлашди. Бу ҳақда euro-football.ru хабар беради.
Мутахассис «Реал» Лиссабонда юқори даражадаги ўйин кўрсатиши шартлигини таъкидлади. «Қийин бўлишини биламиз. Сешанба куни ғалаба учун бор кучимизни ишга солишимиз керак», — дея Арбелоанинг сўзларини келтиради The Touchline.
Эслатиб ўтамиз, Чемпионлар лигасининг умумий босқичи сўнгги турида «Реал» сафарда «Бенфика»га 2:4 ҳисобида имкониятни бой берган, бу эса португалияликлар учун плей-офф йўлланмасини таъминлаганд и.
Чемпионлар лигаси стыковий раундидаги «Бенфика» — «Реал» ўртасидаги илк учрашув 17 февраль куни бўлиб ўтади. Старт ҳуштаги 01:00 да (Тошкент вақти билан) янграйди.
“Zamin”ни Telegram'да ўқинг!
