Саудия Арабистони чемпионатининг 22-тури доирасидаги сафар учрашувида «Ал-Наср» «Ал-Фатеҳ» майдонида 2:0 ҳисобида зафар қучди. Беллашувдаги голлардан бирини 41 ёшли марказий ҳужумчи Криштиану Роналду киритди — у бойкотдан сўнг яна майдонга қайтди. Бу ҳақда euro-football.ru хабар беради.
Ўйин ҳақида футбол шарҳловчиси Александр Елагин ҳам фикр билдирди. Унинг таъкидлашича, португалиялик юлдуз нафақат гол урди, балки ҳимояда ҳам фаол ишлади: бир неча бор жарима майдончасидан тўпни узоқлаштирди ва юқори тезликда ҳаракатланди.
Елагин ижтимоий тармоқлардаги постида Роналдунг жисмоний ҳолати ва ишчанлигини алоҳида эътироф этиб, бундай формада югураётганини кўриб ҳайратга тушганини ёзди.
Жорий мавсумда Саудия Арабистони чемпионатида Роналду 19 та учрашувда 18 та гол урди.
“Zamin”ни Telegram'да ўқинг!
