Ҳужумчи Виктор Осимҳен ҳозирча «Галатасарай»даги ҳаётдан мамнун ва клубини алмаштириш заруратини сезмаяпти. Нигериялик футболчига жамоа муҳити ҳам, ўйин услуби ҳам маъқул келмоқда. Бу ҳақда euro-football.ru хабар беради.
Шу билан бирга, The Touchline манбаси ёзишича, ёзги трансфер ойнаси яқинлашар экан, бир қатор топ-клублар Осимҳен атрофидаги вазиятни кузатиши ва унга қизиқиш билдириши мумкин. Ҳозирча эса аниқ таклифлар, бевосита алоқа ёки музокаралар ҳақида гап йўқ.
Таъкидланишича, эҳтимолий трансфернинг тақдири биринчи навбатда Осимҳеннинг шахсий қарорига боғлиқ бўлади.
Осимҳен «Галатасарай» сафида 64 та расмий учрашувда майдонга тушиб, 52 та гол урди ва 13 та голли узатма берди.
Transfermarkt портали 27 ёшли ҳужумчини 75 миллион евроға баҳоламоқда.
“Zamin”ни Telegram'да ўқинг!
