Зинедин Зидан Франция терма жамоасига қайтишга яқин турибди

Зинедин Зидан Франция терма жамоасида Диде Дешамнинг ўрнини эгаллаши кутилмоқда. Инсайдер Фабритсио Романонинг хабарига кўра, 53 ёшли мутахассис Франция футбол федерацияси билан оғзаки келишувга эришган. Бу ҳақда euro-football.ru хабар беради.
Мадриднинг “Реал” клубини бошқарган собиқ мураббий жаҳон чемпионати якунланганидан кейин “уч ранглилар” бош мураббийи сифатида иш бошлайди. Шу тариқа, Зидан беш йиллик танаффусдан сўнг мураббийлик фаолиятига қайтади.
Диде Дешам 2012 йил ёзидан бери Франция терма жамоасини бошқариб келмоқда. 2026 йилги мундиал гуруҳ босқичида французлар Сенегал ва Норвегия билан тўқнаш келади, учинчи рақиб эса саралашдаги плей-офф натижаларига кўра аниқланади. Турнир 11 июндан 19 июлгачa бўлиб ўтади.
“Zamin”ни Telegram'да ўқинг!Ctrl
Enter
Хато топдингизми?
Иборани ажратиб Ctrl+Enter тугмасини босинг