Ўзбекистон терма жамоаси ҳамда «Истанбул Башакшеҳир» клуби ҳужумчиси Элдор Шомуродов Туркия чемпионатида энг сермаҳсул футболчи сифатида етакчиликни қўлга олди. Бу ҳақда euro-football.ru хабар беради.
21-февраль ҳолатига кўра, Шомуродов «гол+пас» тизимида 20 очко жамғарди: 16 та гол ва 4 та голли узатма. Шу кўрсаткич уни турнир тўпурарлар рўйхатида ҳам биринчи ўринга олиб чиқди.
«Галатасарай» юлдузлари билан таққослаганда ҳам Шомуродовнинг устунлиги яққол: Мауро Икардида барча ўйинларда 13 та гол бор, Виктор Осимҳен эса миллий чемпионат доирасида 9 та гол билан чекланиб қолган.
Эслатиб ўтамиз, Шомуродов сафида Ўзбекистон миллий терма жамоаси 2026 йилда Шимолий Америкада ўтказиладиган жаҳон чемпионатига йўлланмани қўлга киритган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
