O'zbekiston terma jamoasi hamda «Istanbul Bashakshehir» klubi hujumchisi Eldor Shomurodov Turkiya chempionatida eng sermahsul futbolchi sifatida yetakchilikni qo'lga oldi. Bu haqda euro-football.ru xabar beradi.
21-fevral holatiga ko'ra, Shomurodov «gol+pas» tizimida 20 ochko jamg'ardi: 16 ta gol va 4 ta golli uzatma. Shu ko'rsatkich uni turnir to'purarlar ro'yxatida ham birinchi o'ringa olib chiqdi.
«Galatasaray» yulduzlari bilan taqqoslaganda ham Shomurodovning ustunligi yaqqol: Mauro Ikardida barcha o'yinlarda 13 ta gol bor, Viktor Osimhen esa milliy chempionat doirasida 9 ta gol bilan cheklanib qolgan.
Eslatib o'tamiz, Shomurodov safida O'zbekiston milliy terma jamoasi 2026 yilda Shimoliy Amerikada o'tkaziladigan jahon chempionatiga yo'llanmani qo'lga kiritgan.
“Zamin”ni Telegramʻda oʻqing!
