Хитой ҳукумати мамлакатнинг технологик стартапларига АҚШ томонидан киритиладиган инвестицияларни чеклаш чораларини кўрмоқда. Bloomberg агентлиги хабарига кўра, Хитой регуляторлари маҳаллий компанияларга Америка капиталини расмий рухсатсиз қабул қилишни тақиқлашни режалаштирмоқда. Ушбу ташаббус Пекиннинг миллий хавфсизликни таъминлаш ва муҳим технологиялар чиқиб кетишининг олдини олишга қаратилган стратегиясининг бир қисмидир. Бу ҳақда 3dnews.ru хабар беради.
Янги чекловлар ўтган йили Американинг "Meta" корпорацияси Хитойнинг сунъий интеллект соҳасидаги "Манус" стартапини 2 млрд долларга сотиб олгани билан боғлиқ ҳодисага жавоб бўлди. Ҳозирда Хитой идоралари ушбу келишув юзасидан текширув бошлаган. Шунингдек, "Мооншот AI" ва "StepFun" каби истиқболли лойиҳалар ҳам АҚШ инвесторларидан маблағ олмаслик бўйича огоҳлантириш олган.
Чекловлар нафақат кичик стартапларга, балки йирик гигантларга ҳам тааллуқлидир. Хусусан, "TikTok" эгаси бўлган "ByteDance" компаниясига АҚШ инвесторлари ўртасида акцияларни қайта жойлаштиришни ҳукумат розилигисиз амалга оширмаслик уқтирилган. Мутахассисларнинг фикрича, бундай чоралар Хитой технология секторига хорижий капитал жалб қилиш жараёнини сезиларли даражада мураккаблаштириши мумкин.
“Zamin”ни Telegram'да ўқинг!
