GPT-5.5 ҳимоясини бузган тадқиқотчилар мукофотланади
«OpenAI» компанияси янги GPT-5.5 моделининг биологик хавфсизлик тизимини синовдан ўтказиш учун «Bio Bug Bounty» дастурини эълон қилди. Лойиҳа доирасида сунъий интеллект ва биотиббиёт соҳаси мутахассислари тизимдаги тақиқланган маълумотларни олиш имконини берувчи камчиликларни қидиришади. Жиддий нуқсонларни аниқлаган иштирокчиларга 25 000 долларгача мукофот ваъда қилинган бўлиб, аризалар 2026 йилнинг июнига қадар қабул қилинади. Ушбу ташаббусдан кўзланган асосий мақсад технологияни янада хавфсиз қилиш ва юзага келиши мумкин бўлган глобал хатарларнинг олдини олишдир.
"OpenAI" компанияси ўзининг янги GPT-5.5 сунъий интеллект моделидаги биологик хавфсизлик тизимини синовдан ўтказиш мақсадида "Био Буг Боунтй" дастурини ишга туширди. Мазкур лойиҳа доирасида мутахассислар тизимнинг ҳимоя механизмларини четлаб ўтиш йўлларини қидиришади. Тадқиқотчилар сунъий интеллект ёрдамида биотиббиёт соҳасидаги тақиқланган маълумотларни олиш имкониятини текшириб кўришлари лозим бўлади. Бу ҳақда Openai.com хабар беради.
Мусобақада иштирок этиш учун аризалар 2026 йил 22 июнга қадар қабул қилинади. Танловда сунъий интеллект хавфсизлиги, киберхавфсизлик ва биотиббиёт соҳасида тажрибага эга бўлган мутахассислар қатнашиши мумкин. Саралаб олинган номзодлар махсус тест саволларидан ўтишлари ва маълумотларни ошкор қилмаслик тўғрисидаги битимни имзолашлари шарт этиб белгиланган.
Муваффақиятли натижа кўрсатган ва тизимдаги жиддий камчиликларни аниқлаган иштирокчиларга 25 000 АҚШ долларигача миқдорда мукофот пули тўланади. Компания ушбу ташаббус орқали илғор сунъий интеллект технологияларини янада хавфсизроқ қилишни ва юзага келиши мумкин бўлган глобал хатарларнинг олдини олишни мақсад қилган.
Изоҳлар 0
…