«Коньяспор» майдонида кутилмаган мағлубиятдан сўнг, «Галатасарай» ичида жиддий муаммолар борлиги ҳақида хабарлар тарқалди. TR24 портали маълумотига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манбага ишонилса, бу ҳолат кетма-кет учинчи ой ҳам давом этмоқда. Клубнинг расмий вакиллари вазият юзасидан изоҳ бермаётгани эса ОАВ ва мухлислар қизиқишини янада кучайтирди.
Маҳаллий журналист Ҳалик Юрекли сўнгги воқеалар фонида «Галатасарай»нинг чемпионлик имкониятлари тобора шубҳа остида қолаётганини таъкидлади.
Шунга қарамай, клуб Туркия чемпионатида 55 очко билан пешқадам бўлиб турибди. Бироқ 52 очкоси ва захирада битта учрашуви бор «Фенербахче» уни қувиб етиши мумкин.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
