УЕФА Жанлука Престианни ва Винисиус Жуниор ўртасидаги можарони ўрганишда давом этмоқда. «Реал» футболчиси «Бенфика» вакилини ирқчиликда айблаган, дастлабки текширувларда эса Престианни томонидан камситиш бўлгани эҳтимоли қайд этилди. Бу ҳақда euro-football.ru хабар беради.
Шу сабаб УЕФА аргентиналик футболчини вақтинча бир ўйинга четлатди. Қарордан кейин «Бенфика» расмий баёнот билан чиқди.
Португалия клуби УЕФАдан Престианнининг дисквалификацияси ҳақида хабарнома олганини ва бу қарор устидан шикоят киритмоқчи эканини маълум қилди. Клуб, муддатлар қисқалигини инобатга олиб, апелляция жавоб ўйинига сезиларли таъсир кўрсатмаслиги мумкинлигини ҳам тан олди.
«Бенфика» баёнотида барча кўринишдаги ирқчилик ва дискриминацияга қарши курашиш тамойилига содиқлигини ҳам алоҳида таъкидлади.
«Реал» 25 февраль куни «Бенфика»ни қабул қилади. Лиссабондаги илк учрашувда мадридликлар 1:0 ҳисобида ғалаба қозонган.
“Zamin”ни Telegram'да ўқинг!
