Уругвайлик ҳужумчи Эдинсон Кавани «Бока Хуниорс»ни тарк этиши мумкин. Бироқ бу қарор унинг ўз ихтиёридан кўра, клуб ва мухлислар босими остида юз бериши эҳтимоли юқори. Каванининг ўйини сўнгги ҳафталарда кўнгилдагидек эмас ва трибуналар тобора кўпроқ ҳуштак овозига тўлмоқда. Бу ҳақда euro-football.ru хабар беради.
Навбатдаги учрашувда у алмаштирилган пайтда ҳам мухлислар норозилигини яширмади — «Матадор» майдонни тарк этаётганда кескин ҳуштакбозлик кузатилди. Алмаштириш эса вазиятни ўзгартирмади: «Бока» «Платенсе» дарвозасини ишғол қила олмади ва ўйин 0:0 ҳисобида якунланди.
Энди Аргентина ОАВлари Каванининг шартномасини узайтириш борасидаги истиқболларни эҳтиёткорлик билан баҳоламоқда. Қолаверса, клуб парагвайлик Адам Барейрони сотиб олди ва кўпчилик унинг 39 ёшли ветеран ҳужумчини таркибдан сиқиб чиқаришини кутмоқда.
“Zamin”ни Telegram'да ўқинг!
