Уругвайлик ҳужумчи Эдинсон Кавани «Бока Хуниорс»ни тарк этиши мумкин — аммо бу қарор унинг ихтиёрига боғлиқ бўлмаслиги эҳтимоли кучаймоқда. Сўнгги ўйинларда унинг ҳаракати мухлисларни қониқтирмаяпти ва трибуналар тобора кўпроқ норозилик билдирмоқда. Бу ҳақда euro-football.ru хабар беради.
Охирги учрашувда Кавани алмаштирилган пайтда вазият янада кескин кўринди: «Матадор» майдонни тарк этар экан, ҳуштаклар кучли янгради. Бироқ ўзгариш ҳам фойда бермади — «Бока» «Платенсе» дарвозасини ишғол қила олмади ва баҳс 0:0 ҳисобида якунланди.
Энди Аргентина ОАВлари Каванининг шартномасини узайтириш масаласига жуда эҳтиёткор ёндашмоқда. Қолаверса, клуб парагвайлик Адам Барейрони сафга қўшиб олди ва кўпчилик айнан у 39 ёшли тажрибали футболчини асосий таркибдан сиқиб чиқаришини кутмоқда.
“Zamin”ни Telegram'да ўқинг!
