Urugvaylik hujumchi Edinson Kavani "Boka Huniors"ni tark etishi mumkin — ammo bu qaror uning ixtiyoriga bog'liq bo'lmasligi ehtimoli kuchaymoqda. So'nggi o'yinlarda uning harakati muxlislarni qoniqtirmayapti va tribunalar tobora ko'proq norozilik bildirmoqda. Bu haqda euro-football.ru xabar beradi.
Oxirgi uchrashuvda Kavani almashtirilgan paytda vaziyat yanada keskin ko'rindi: "Matador" maydonni tark etar ekan, hushtaklar kuchli yangradi. Biroq o'zgarish ham foyda bermadi — "Boka" "Platense" darvozasini ishg'ol qila olmadi va bahs 0:0 hisobida yakunlandi.
Endi Argentina OAVlari Kavanining shartnomasini uzaytirish masalasiga juda ehtiyotkor yondashmoqda. Qolaversa, klub paraguaylik Adam Bareyroni safga qo'shib oldi va ko'pchilik aynan u 39 yoshli tajribali futbolchini asosiy tarkibdan siqib chiqarishini kutmoqda.
“Zamin”ni Telegramʻda oʻqing!
