Аргентина Футбол Ассоциацияси (AFA) президенти Клаудио Тапиа ижтимоий бадаллар тўланмагани юзасидан очилган иш доирасида прокуратурага сўроққа чақирилди. Бу ҳақда euro-football.ru хабар беради.
У билан бирга ишда AFA ғазначиси Пабло Товигино ҳам гумонланувчи сифатида қайд этилган. Ҳуқуқ-тартибот идоралари ҳар икки мансабдорга мамлакатни тарк этишни тақиқлади.
Сўроқ 5 март куни бўлиб ўтиши белгиланган. Терговга кўра, AFA томонидан тўланиши керак бўлган ижтимоий бадаллар бўйича давлат ғазнасига 13 миллион доллар етиб келмаган.
Шунингдек, Тапиа мулкига тегишли, вертолёт майдончасига эга 10 гектарлик кўчмас мулк ҳам текширув доирасида шубҳа остига олинган.
Прокуратура алоҳида тартибда футболчиларга бериладиган бонуслар миқдорини ҳам ўрганмоқда: маълумотларга кўра, бу кўрсаткич Тапианинг дунё бўйлаб парвоз харажатларидан ҳам кам.
“Zamin”ни Telegram'да ўқинг!
