Конияспора билан кутилмаган мағлубиятдан кейин Галатасарай атрофида клуб ичидаги муаммолар борлиги ҳақида гап-сўзлар кўпайди. TR24 хабарига кўра, жамоа футболчилари маошларини вақтида ололмаяпти. Бу ҳақда euro-football.ru хабар беради.
Манба таъкидлашича, бу ҳолат кетма-кет учинчи ой давом этмоқда. Клуб раҳбарияти эса вазият юзасидан расмий изоҳ бермаяпти, бу эса журналистлар ва мухлислар қизиқишини янада оширмоқда.
Маҳаллий журналист Ҳалик Юрекли сўнгги воқеалар фонида Галатасарайнинг чемпионлик имконияти жиддий савол остида қолаётганини айтди.
Шунга қарамай, жамоа 55 очко билан чемпионат пешқадами бўлиб турибди. Бироқ 52 очкога эга ва битта ўйини захирада қолган Фенербахче яқин орада етиб олиши мумкин.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
