Италиянинг «Аталанта» клуби Чемпионлар лигасида навбатдаги босқичга чиққан А Сериядаги ягона жамоа бўлди. Дортмунднинг «Боруссия»сига сафардa 0:2 ҳисобида имкониятни бой берган бергамоликлар жавоб ўйинида рақибни 4:1 билан тор-мор этиб, умумий ҳисобда вазиятни ўз фойдасига оғдирди. Бу ҳақда euro-football.ru хабар беради.
Учрашувдан кейин «Милан» фахрийси Алессандро Костакурта «Аталанта»нинг ўйини уни ҳайратга солганини айтди. Унинг таъкидлашича, бундай натижани кутмаган, бироқ жамоа ақлбовар қилмас даражада кучли ўйин кўрсатиб, Италия футбол элитасига киришини яна бир бор исботлаган.
Костакурта айниқса Пасаличнинг лидерлик фазилатларини алоҳида тилга олди. У «бундай етакчини Франко Барези давридан бери кўрмаганини» қайд этган.
Эслатиб ўтамиз, «Аталанта» 2024 йилда Европа лигаси ғолиби бўлган.
“Zamin”ни Telegram'да ўқинг!
