«Ман Сити» Англия кубоги ярим финалида «Саутгемптон»ни қабул қилади
«Манчестер Сити» Англия кубоги ярим финали доирасида «Саутгемптон» жамоасига қарши майдонга тушади. Пеп Гвардиола шогирдлари жорий мавсумда требл қайд этишни мақсад қилган бўлса-да, таркибдаги айрим жароҳатлар сабабли муаммоларга дуч келиши мумкин. Ўз навбатида, январь ойидан буён мағлубият нималигини билмай келаётган «Саутгемптон» фаворитларга жиддий қаршилик кўрсатишга тайёр. Учрашув 2026 йил 25 апрель куни Тошкент вақти билан соат 22:15 да бошланиши режалаштирилган.
«Ман Сити» жамоаси Англия кубоги доирасида «Саутгемптон» клубига қарши баҳс олиб боради. Пеп Гвардиола шогирдлари кетма-кет саккизинчи мавсумда турнирнинг ярим финал босқичига чиқишни мақсад қилган. Ҳозирда «шаҳарликлар» ажойиб спорт формасида бўлиб, «Арсенал» ва «Бернли» устидан қозонилган ғалабалардан сўнг Англия Премьер-лигаси турнир жадвалида пешқадамлик қилмоқда. Карабаоу кубогини қўлга киритган жамоа учун требл қайд этиш имконияти ҳали ҳам сақланиб қолган. Бу ҳақда Goal.com хабар беради.
Ушбу мавсумда «Ман Сити» кубок баҳсларида сермаҳсул ўйин кўрсатмоқда. Жамоа ўтказилган тўртта учрашувда рақиблар дарвозасига 19 та гол уриб, ўз дарвозасидан бор-йўғи 2 та тўп олиб чиқди. Охирги икки босқичда «Нюкасл» ва «Ливерпуль» жамоалари йирик ҳисобда мағлуб этилди. Бироқ бўлажак баҳсда Рубен Диас ва Родрининг иштироки сўроқ остида турибди, бу эса таркибда бироз муаммолар туғдириши мумкин.
«Саутгемптон» жамоаси ҳам жиддий рақиб сифатида қаралмоқда. Чемпионшип вакили бўлишига қарамай, улар ярим финалга қадар Премьер-лиганинг икки клубини мусобақадан чиқариб юборди. «Авлиёлар» январь ойидан буён мағлубият нималигини билмай келмоқда ва охирги 20 та ўйинда 16 та ғалаба қайд этди. Жамоа ҳар бир учрашувда камида иккитадан гол уришга муваффақ бўлмоқда. Учрашув 2026 йил 25 апрель куни Тошкент вақти билан 22:15 да старт олади.
Изоҳлар 0
…