Туркияда Галатасарай ва Фенербахче сафида тўп сурадиган икки футболчи тикишлар билан боғлиқ иш сабабли қамоқ жазоси хавфи остида қолмоқда. Бу ҳақда euro-football.ru хабар беради.
Гап Галатасарай вакили Метехан Балтаджи ҳамда Фенербахче сардори Мерт Ҳакан Яндаш ҳақида кетмоқда. Маълумотларга кўра, Балтаджи 13 йилгача, Яндаш эса 17 йилгача озодликдан маҳрум этилиши мумкин.
Sabah нашри хабарига кўра, Балтаджи камида икки марта Галатасарай ўйинларига тикиш қилган. У ўша учрашувларда асосий таркибда бўлмаган, бироқ жамоа қайдномасига киритилган, бу эса назарий жиҳатдан натижага таъсир ўтказиш имконини ҳам юзага келтиради.
Амалдаги Туркия қонунчилигига биноан, футболчи букмейкерларга ўзининг профессионал спортчи эканини маълум қилиши шарт эди, аммо у буни бажармаган.
“Zamin”ни Telegram'да ўқинг!
