Сантиаго Бернабеу стадионида мураббийлар алмашинуви борасидаги миш-мишлар янги тус олди. Хабарларга кўра, Хосе Моуриньо Реал Мадрид президенти Флорентино Перез билан учрашиб, жамоага қайтиш шартларини муҳокама қилган. Ушбу видеоанжуман тахминан бир соат давом етган ва унда португалиялик мутахассиснинг клубга қайтиш имкониятлари кўриб чиқилган. Бу ҳақда Гоал.ком хабар беради.
Моуриньо ҳозирда Бенфика билан 2027-йилга қадар мўлжалланган шартномага ега бўлса-да, у Реал Мадрид бошқарувини қабул қилиб олишга тайёр. Бироқ, тажрибали мураббий клубга қайтиш учун бир қатор қатъий талабларни илгари сурган. Унинг асосий шартлари молиявий масалаларга емас, балки клуб ички тизимини қайта қуришга қаратилган.
Хусусан, Моуриньо жамоа устидан тўлиқ спорт назоратини, тиббиёт департаментини қайта ташкил етишни ва футболчилар устидан интизомий ваколатларни талаб қилмоқда. Бу талаблар мураббийнинг 2010–2013-йиллардаги биринчи фаолияти даврида юзага келган ички зиддиятлардан қочиш истагини англатади.
Реал Мадрид мухлислари ўртасида бу хабар турлича қабул қилинди. Бир қисм мухлислар Моуриньони Барселона гегемонлигини тўхтатган ва жамоага ғолиблик менталитетини қайтарган мураббий сифатида кўрса, бошқалар унинг ўтмишдаги мураккаб характери ва жамоа ичидаги келишмовчиликларни еслаб, хавотир билдирмоқда.
“Zamin”ни Telegram'да ўқинг!
