Бавария ҳужумчиси Николас Жексон мавсум якунида клубни тарк этиши кутилмоқда. Гарчи футболчи жамоа бош мураббийи Винсент Компани режаларига кирган бўлса-да, молиявий омиллар трансферга тўсқинлик қилмоқда. Бу ҳақда Goal.com хабар беради.
Германия футболи афсонаси Лотар Маттеуснинг Скй90 телеканалига берган интервюсига кўра, Компани Жексоннинг маҳоратига тўлиқ ишонади ва уни Мюнхенда сақлаб қолишни истаган. Бироқ, футболчининг трансфер қиймати Бавария раҳбарияти учун жуда қимматлик қилмоқда.
Жексон айни дамда Челси клубидан ижарага олинган. Бавария ўтган йили ижарага 16,5 миллион евро тўлаган бўлса-да, 65 миллион евролик тўлиқ сотиб олиш шарти клуб бюджети учун юқори деб баҳоланмоқда. Sport директори Макс Эберл футболчи ижара муддати тугагач, Челси сафига қайтишини тасдиқлади.
Сенегаллик ҳужумчи жорий мавсумда Бавария сафида 33 та ўйинда майдонга тушиб, 10 та гол ва 4 та голли узатмага муаллифлик қилди. Унинг Челси билан шартномаси 2033-йилга қадар мўлжалланган бўлса-да, Лондон клубининг келгуси режалари ҳозирча номаълум.
“Zamin”ни Telegram'да ўқинг!
