iPhone 8 учун Samsung AMOLED экран етказиб беради » Ўзбекистон янгиликлари – Zamin.uz

iPhone 8 учун Samsung AMOLED экран етказиб беради

Технология 31-12-2016, 16:23 494
iPhone 8 учун Samsung AMOLED экран етказиб беради

Келгуси йилдан Жанубий Кореянинг Samsung компанияси катта экранли iPhone 8 учун AMOLED дисплейлар етказиб беришни бошлайди. Samsung жорий ишлаб чиқариш қуввати билан ойига 20 млн дона AMOLED дисплей тайёрлаши мумкин, деб ёзмоқда Terabayt.uz сайти.

Нашрда қайд этилишича, 2017 йилда Apple LCD экранли 4,7 ва 5,5 дюймли iPhone`лар, шунингдек, 5,8 дюймли қайирма AMOLED экран ўрнатилган премиум iPhone версиясини тақдим этиши кутилмоқда. Айнан мана шу премиум модел учун Samsung экран етказиб бериши кўзда тутилган.

Илк iPhone 8 қурилмалари сотувдаги узилишларни бартараф этиш мақсадида келгуси йилнинг март ойидан бошлаб Хитойда кам партияларда тайёрланади. iPhone 7 билан содир бўлган мана шундай етишмовчилик туфайли Apple янги моделларни эртароқ ишлаб чиқаришга қарор қилган.


Zamin.uz нинг Youtube’даги расмий каналига обуна бўлиб, янгиликлардан хабардор бўлинг.