Тошкентда Apple Watch «ақлли соатлари» 5,6 миллион сўмдан сотувга чиқди » Ўзбекистон янгиликлари – Zamin.uz

Тошкентда Apple Watch «ақлли соатлари» 5,6 миллион сўмдан сотувга чиқди

Технология 23-05-2015, 09:39 835
Тошкентда Apple Watch «ақлли соатлари» 5,6 миллион сўмдан сотувга чиқди

Ўзбекистонда Apple компаниясининг «ақлли соатлари» – Apple Watch савдолари бошланди. Бу ҳақда Mobinfo.uz'га асосланиб Daryo.uz хабар бермоқда.

Тошкентдаги чакана савдо нуқталарида тасмаси чармдан бўлган 42 миллиметрли Apple Watch харидорларга 5,6 миллион сўмга таклиф қилинмоқда. Таққослаш учун, 16 гигабайтли iPhone 6 смартфони бундан қарийб икки баробар арзон.

Apple Watch’нинг халқаро миқёсдаги савдолари 24 апрелдан бошланган эди. Унга кўра, алюминий корпусли қурилмалар 349-399 доллардан, пўлат Apple Watch’лар эса тасмасига қараб 549дан 1049 долларгача, энг қиммат – олтин Apple Watch Edition эса 10 минг доллардан сотувга чиқарилган эди.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.