Автомобиль ҳажми 6,2 литр, қуввати 707 от кучига тенг бўлган, HEMI V8 бензинли двигатели билан таъминланган.
Jeep компанияси Grand Cherokee сериясидаги ўта бақувват Trackhawk версияси ҳақидаги маълумотларни ошкор этди. Янги автомобилнинг омма олдидаги дебюти апрель ойида Нью-Йоркдаги автосалон чоғида бўлиб ўтади, дейилади компания матбуот хизмати тарқатган хабарда. Машиналар сотувчи эса шу йилнинг ёзида бошланади, деб ёзади "Кун.уз" нашри.
Автомобиль 6,2 литр ҳажмли HEMI V8 бензинда ишловчи двигатель билан таъминланган. Худди шундай агрегат Dodge Charger SRT автомобилига ҳам ўрнатилган. Моторнинг қуввати 707 от кучига ва 880 Нм айлантирувчи моментга тенг бўлиб, бу сифатлар машинани жаҳондаги энг бақувват машинага айлантиради. Двигатель саккиз поғонали автоматик узатмалар қутиси билан ҳамоҳанг ишлайди. 100 км/соат тезликка йўлтанламас автомобил 3,5 сонияда эришади. Максимал тезлиги эса соатига 300 км.га етади
Янги машина Grand Cherokee SRT дан ўзгачароқ бампери, кўриниши ўзгартирилган радиатор панжараси ва янги оптика билан фарқ қилади. Автомобиль Brembo янги тормозланиш тизими, Bilstein мослашувчан амортизаторлар ва 20 дюймли ғилдирак дискларига эга.
Шунингдек, йўлтанламас машина йирик бамперлар, спойлер ва спортча тўрт патрубкали газларни чиқариш тизими билан таъминланмоқда. Салонга эса чарм билан қопланган ўриндиқлар, рақамли анжомлар панели, шунингдек, Apple CarPlay ва Android Auto’ни қўлловчи мультимедиа тизими ўрнатилади.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди