OpenAI GPT-4.1’ни тақдим этди: арзонроқ, зўрроқ ва кенгроқ

OpenAI компанияси сунъий интеллект соҳасида навбатдаги қадамни қўйди — GPT-4о’нинг вориси GPT‑4.1 тақдим этилди. Янгиланган модель ҳар томонлама — кодлаш, кўрсатмага риоя қилиш, маълумотни узоқ контекстда аниқ ажратиш бўйича яхшиланган.

Бу нафақат техник жиҳатдан, балки нарх ва қулайлик нуқтаи назаридан ҳам катта ютуқ сифатида баҳоланмоқда.

Контекст кенгайди: 1 миллион токенгача
GPT‑4.1 модели:

✅ 1 миллион контекст токени (матн, тасвир, видео ва ҳ.к.)ни қайта ишлай олади;
✅ Бу аввалги моделдаги 128 000 токенлик лимитдан 8 бараварга кўп.

OpenAI маълум қилишича, бу:
- Узоқ контекстдаги муҳокамалар учун жуда самарали;
- “Шовқинли” маълумотларга эътибор бермаслик қобилиятини оширади.

Mini ва Nano: енгил ва арзон версиялар
GPT‑4.1 билан бирга:

🔹 GPT‑4.1 Mini – енгилроқ ва универсал модель;
🔹 GPT‑4.1 Nano – энг кичик, энг тез ва арзон вариант сифатида тақдим этилди.

Бу моделлар энергия ва ресурска тежамкор, мобил қурилмаларда ҳам ишлашга мослашган.

Натижалар қандай?
GPT‑4.1:

✅ SWE-Bench бенчмаркида топшириқларнинг 54,6% ни муваффақиятли бажарган;
✅ GPT-4o билан таққосланганда 26% арзонроқ;
✅ Реакция вақти — кам кечикиш ва юқори барқарорлик.

GPT-4 ва 4.5 ўчирилади, 5 эса кечикиб турибди
OpenAI маълум қилишига кўра:

🗓 GPT-4 — 30 апрелда,
🗓 GPT-4.5 — 14 июлда платформадан чиқарилади.

Компаниянинг фикрича, GPT‑4.1 уларнинг ўрнини осонгина босади.

Шу билан бирга, GPT‑5 ишлаб чиқилиши бир неча ойга кечиктирилган — барча функцияларни бирлаштириш мураккаблиги туфайли.

Сунъий интеллектда сифат ва қулайлик бирлашмоқда
GPT‑4.1 — фақат навбатдаги модель эмас, балки OpenAIнинг технология, қулайлик ва иқтисодий самарадорликни бирлаштиришга уринишидир.

Қисқа вақт ичида у ишлаб чиқувчилар ва контент яратувчилар орасида янги стандартга айланиши кутилмоқда. «Замин»ни Telegram’да ўқинг!