Apple компанияси Хитойда iPhone Air смартфонини сотувга чиқарди ва буюртмалар очилганидан сўнг бир неча дақиқада барча қурилмалар сотилди, деб Rozetked хабар берди.
Сотувлар 17 октябрь куни, эрталаб бошланди. Модель Хитойда фақат яқинда регулятордан рухсат олганидан сўнг, жаҳон премьераси ортидан бир ой ўтиб, расман савдога чиқди.
iPhone Air фақат eSIM технологиясини қўллаб-қувватлайди. Интернет орқали буюртмалар етказилиши аллақачон 1–2 ҳафтага кечикмоқда. Ажойиб талаб Apple раҳбари Тим Кукнинг Хитойга ташрифи билан тўғри келди. У мамлакатга ташрифи давомида витсе-премер Хе Лифен билан учрашди ҳамда Синхуа университетидаги менежмент мактабининг маслаҳат кенгаши раиси сифатида анжуманда қатнашди.
Таҳлилчилар фикрича, юқори сотувлар Хитой бозорида iPhone’га бўлган барқарор қизиқишни кўрсатмоқда. Бу эса Huawei ва Xiaomi каби рақобатчиларнинг премиум сегментдаги уринишларига қарамай, Apple ўз позициясини сақлаб қолаётганини англатади.
“Zamin”ни Telegram'да ўқинг!
