Нима сабабдан Apple букланадиган iPhone'нинг чиқишини кечиктирмоқда?

Япониянинг Mizuho Securities инвестиция фирмаси маълум қилишича, Apple ўзининг илк букланадиган iPhone моделини ишлаб чиқаришни 2027 йилгача кечиктирган.

Компания бу кечиктиришни смартфон дизайнини янада такомиллаштириш зарурати билан изоҳлаган. Шунингдек, янги қурилма учун дисплей ишлаб чиқариш режаси аввал белгиланган 13 миллион донадан 9 миллионга қисқартирилган. Букланадиган модел iPhone 18 сериясининг бир қисми сифатида тақдим этилиши кутилмоқда.

Avvalroq Bloomberg хабарига кўра, букланадиган iPhone 2026 йил кузида чиқиши мумкинлиги айтилган эди. У китоб шаклида очиладиган Android қурилмаларига ўхшаш бўлади. Айтишларича, янги моделда 8 дюймли асосий OLED дисплей ва 5 дюймли ташқи дисплей бўлиши кутилмоқда.

Nigina Zarqarayeva

«ZAMIN.UZ» муҳаррири