Apple 2027 йилдаги ютуқли сана — iPhone’нинг 20 йиллигини алоҳида нишонлашни режалаштирмоқда. Бу ҳақда Кореянинг ETNews нашри хабар берди. Манба маълумотича, компания анъанавий рақамлашни ўзгартириб, iPhone 19 сериясини умуман чиқармасликни режалаштирган, деб ёзди нашр.
Omdia таҳлилчиси Хо Му-Ёлнинг айтишича, Apple бу қарор орқали бренд тарихига рамзий аҳамият беришни, шу билан бирга янги босқични эстетик жиҳатдан ифода этишни мақсад қилган. Яъни компания “19” рақамини ўтказиб, тўғридан-тўғри “20” рақамли юбилей моделини тақдим этади.
Бу Apple учун янги ҳолат эмас. 2017 йилда ҳам шундай ёндашув қўлланилган эди: компания iPhone 9’ни чиқармасдан, 10 йиллик муносабати билан iPhone 8 ва iPhone X моделларини бир вақтнинг ўзида намойиш этган. Бу бренднинг рақамий тартибдан кўра рамзий ва маркетинг таъсирини устун қўйишини яна бир бор кўрсатганди.
Айтиш мумкинки, Apple бу гал ҳам шов-шувли ва эмоционал қадам билан технология оламининг диққат марказига айланади. Муттахассислар фикрича, iPhone 20 нафақат юбилей модели, балки янги дизайн ва интеллектуал имкониятлар билан компания тарихидаги энг инқилобий қурилмалардан бири бўлиши кутилмоқда.
“Zamin”ни Telegram'да ўқинг!
