Google компанияси Android операцион тизими учун тақдим этилган Gemini Intelлигенсе функцияси бўйича аппарат таъминотига қўйиладиган талабларни оширди. Эндиликда ушбу сунъий интеллект имкониятларидан фойдаланиш учун смартфон камида 12 GB тезкор хотира (RAM), юқори унумдорликка эга флагман процессор ва AIКоре тизим платформасини қўллаб-қувватлаши шарт. Бу ҳақда Ixbt.com хабар беради.
Ушбу янги стандарт бозордаги ўрта ва қуйи сегментдаги кўплаб Android қурилмаларни ушбу технологиядан четда қолдиради. Шу сабабли, яқин келажакда Gemini Intelлигенсе функцияси фақат энг илғор ва қимматбаҳо смартфон моделларида мавжуд бўлади.
Дастлабки маълумотларга кўра, мазкур функцияни қўллаб-қувватлайдиган илк қурилмалар қаторига Samsung Galaxy З Фолд8 ва Galaxy Z Флип8 букланувчи смартфонлари киради. Шунингдек, Google Pixel 10 ва Samsung Galaxy S26 моделлари ёз фаслида тизим янгиланиши орқали ушбу имкониятга эга бўлиши кутилмоқда.
Gemini Intelлигенсе — бу смартфонни ҳақиқий ақлли ёрдамчига айлантирувчи сунъий интеллект воситалари тўпламидир. У нафақат саволларга жавоб беради, балки иловалар ичида автоматлаштирилган амалларни бажаришга қодир. Масалан, фойдаланувчи буюртма бериш, хизматларга ёзилиш ёки скриншот асосида харидлар саватини шакллантириш каби вазифаларни сунъий интеллектга топшириши мумкин.
“Zamin”ни Telegram'да ўқинг!
