Россиянинг Рассвет сунъий йўлдош тизими Starlinkдан қандай фарқ қилади?

Россиянинг "Бюро 1440" компанияси томонидан ишлаб чиқилаётган "Рассвет" сунъий йўлдошлар туркуми Starlink тизимининг нусхаси эмас, балки мамлакат рақамли иқтисодиёти учун яратилган мустақил платформадир. "Икс холдинг" ва "Бюро 1440" бош директори Алексей Шелобковнинг таъкидлашича, лойиҳа хорижий ечимларни кўчирмасдан, технологик мустақилликни таъминлаш мақсадида ишлаб чиқилмоқда. Бу ҳақда Ixbt.com хабар беради.

Лойиҳа асосида 5G НТН архитектураси ётади, бу эса алоқа сифатини анъанавий сунъий йўлдош тизимларига нисбатан янги босқичга олиб чиқиш имконини беради. Starlink асосан оммавий интернет хизматларига йўналтирилган бўлса, "Рассвет" биринчи навбатда транспорт, саноат ва алоқа операторлари учун саноат платформаси сифатида лойиҳалаштирилган.

Жорий йилнинг март ойи охирида "Бюро 1440" паст орбитага дастлабки 16 та сунъий йўлдошни муваффақиятли чиқарди. Ушбу аппаратлар 5G НТН алоқаси, лазерли сунъий йўлдошлараро алоқа терминаллари ва плазмали двигател қурилмалари билан жиҳозланган бўлиб, бу Россиянинг паст орбитали гуруҳини шакллантириш йўлидаги илк амалий қадам ҳисобланади.