Уй шароитида ишлаш ўзига яраша қийинчиликларга эга: уй ҳайвонларининг эътибор талаб қилиши, узоқ вақт ўтиришдан бел оғриши ёки ҳаракатланишни унутиб қўйиш шулар жумласидан. Гарчи қоматни назорат қилувчи турли иловалар мавжуд бўлса-да, уларни эътиборсиз қолдириш жуда осон. Германиянинг Деэп Каре стартапи томонидан яратилган Иса номли қурилма эса бу муаммога бутунлай бошқача ёндашади. Бу ҳақда Techcrunch.com хабар беради.
Иса қурилмаси камера ёки интернетга уланмасдан ишлайди, бу эса шахсий махфийликни қадрлайдиган фойдаланувчилар учун муҳим афзалликдир. 5,5 дюймли ИПС ҲД экранга эга ушбу гаджет USB-C орқали қувватланади ва Тиме-оф-Фlight (ТоФ) 3D датчиги ёрдамида фойдаланувчининг қоматини ҳамда ҳаракатларини кузатиб боради. Қурилма шунингдек, хонадаги ёруғлик, шовқин, ҳарорат, намлик ва КО₂ даражасини ҳам таҳлил қилади.
Қурилма экранида қомат ҳолатини кўрсатувчи махсус ҳалқа мавжуд бўлиб, у нотўғри ўтирганда сариқ ёки қизил рангга киради. Бу Apple Watch ҳалқаларига ўхшаш визуал огоҳлантириш фойдаланувчини беихтиёр қоматини тўғрилашга ундайди. Агар фойдаланувчи узоқ вақт ҳаракатсиз қолса, Иса ўрнидан туриб, бироз машқ қилишни тавсия этади.
Ҳозирги вақтда қурилма фақат Европа ва АҚШ вақт зоналарини қўллаб-қувватлайди, бу эса бошқа минтақадаги фойдаланувчилар учун бироз ноқулайлик туғдириши мумкин. Шунга қарамай, камера мавжуд бўлмаган ҳолда қоматни назорат қилиш ва соғлом иш муҳитини яратишда Иса самарали ёрдамчига айланмоқда.
“Zamin”ни Telegram'да ўқинг!
