Haqiqiy sariyog‘ — bu yog‘li qaymoqdan tayyorlangan mahsulotdir. U A, D, E, K vitaminlari, omega-3 yog‘ kislotalari va foydali mikroelementlarga boy. Haqiqiy, sifatli sariyog‘ faqat tabiiy ingrediyentlardan tayyorlanadi, shuning uchun uni zararli mahsulot deb hisoblash xato bo‘ladi.
Bugun sariyog‘ haqidagi eng ommalashgan afsonalarni tahlil qilamiz va sifatli mahsulotni qanday tanlash kerakligini aytamiz.
Afsona №1: Sariyog‘ xolesterin darajasini oshiradi va yurak-qon tomir kasalliklariga sabab bo‘ladi
Haqiqat: Tabiiy sariyog‘ rostdan ham to‘yingan yog‘larni o‘z ichiga oladi, biroq zamonaviy tadqiqotlar ko‘rsatmoqdaki, sifatli mahsulotni mo‘tadil iste’mol qilish qondagi xolesteringa neytral ta’sir qiladi. Bundan tashqari, ayrim turdagi yog‘lar moddalar almashinuvini yaxshilaydi va miya salomatligiga ijobiy ta’sir ko‘rsatadi.
Afsona №2: Sariyog‘ ortiqcha vaznga olib keladi
Haqiqat: Oziq-ovqatning ortiqcha kaloriyali bo‘lishi tana vazniga, mahsulot turidan qat’i nazar, ta’sir qiladi. Biroq dexqonlar tayyorlaydigan tabiiy sariyog‘ organizm uchun muhim bo‘lgan V guruhi vitaminlarini o‘z ichiga oladi. Muhimi — me’yorni saqlash va kundalik ratsiondagi umumiy kaloriya miqdorini hisobga olishdir.
Afsona №3: Barcha sariyog‘lar sifat bo‘yicha bir xil
Haqiqat: Sariyog‘ning sifati sigirlar saqlanish sharoiti, hayvonlar ovqati va ishlab chiqarish usuliga bog‘liq. Dexqon xo‘jaliklari katta tajribaga ega, qo‘lda va kichik partiyalarda tayyorlaydigan mahsulotni taklif qiladi. Bu foydali moddalar miqdori va alohida ta’m kafolati demakdir.
Sifatli sariyog‘ni qanday tanlash kerak
1. Tarkib
- Yaxshi sariyog‘ faqat bitta ingrediyentdan — qaymoqdan iborat bo‘ladi. Agar o‘ramda qo‘shimcha moddalar — masalan, o‘simlik yog‘i, stabilizatorlar yoki xushbo‘ylashtirgichlar ko‘rsatilgan bo‘lsa, bunday mahsulotdan voz kechgan ma’qul.
Tarkibi qancha oddiy bo‘lsa, mahsulot shuncha sifatli bo‘ladi.
2. Rangi
- Sifatli sariyog‘ning rangi och sariqdan to qaymoq ranggacha bo‘ladi. Yorqin sariq rang sigirlarning yashil o‘t yeb oziqlanishi natijasida sutda karotinoidlar borligini bildiradi. Oqimtir tus esa ko‘proq qishda kuzatiladi, chunki bu paytda hayvonlar ratsioni o‘zgaradi.
3. Konsistensiyasi
- Tabiiy sariyog‘ zich konsistensiyaga ega, oson surtiladi, ammo yoyilib ketmaydi. Suyuq yoki juda qattiq sariyog‘, ehtimol, ko‘p suv qo‘shilgan yoki sanoatda tayyorlangan bo‘ladi va unda konservantlar bor.
4. Hid va ta’m
- Yangi qaymoq hidi va yengil shirin ta’m mahsulotning yuqori sifatiga ishora qiladi. O‘tkir nordon hid yoki achchiq ta’m ishlab chiqarish texnologiyasi buzilgani yoki noto‘g‘ri saqlash sharoiti bo‘lganidan darak beradi.
Sariyog‘ sifati uy sharoitida qanday tekshiriladi?
Qaynatish usuli
Kichik bo‘lak sariyog‘ni suv vannasida yoki mikroto‘lqinli pechda to‘liq eriguncha qizdiring. Yuqori sifatli sariyog‘ bir tekis eriydi va cho‘kindi yoki aralashmalarsiz shaffof oltin rangli suyuqlik hosil qiladi.
Kesim test
Sariyog‘dan ingichka bo‘lak kesing va kesim yuzasini ko‘ring. Yaxshi sariyog‘ yuzasi tekis, yaltiroq, muz yoki nam donachalarsiz bo‘ladi. Suyuqlik tomchilari yoki bo‘laklarning mavjudligi mahsulotning past sifatli ekanligini anglatadi.
Hidni tekshirish
Sariyog‘ni burningizga yaqin olib hidlang. Yangi qaymoq va yengil hid — sifatli mahsulot belgisi. Nordon yoki achchiq hid sariyog‘ning buzilganidan dalolat beradi.
Sariyog‘ni saqlash va foydalanish bo‘yicha foydali maslahatlar
Saqlash sariyog‘ning sifatini saqlashda muhim ahamiyatga ega. Quyida bir necha tavsiyalar:
- Sariyog‘ni sovuq joyda, yaxshisi muzlatkichda, yorug‘lik va issiqlikdan yiroq saqlang.
- Havoning ta’siridan himoyalaydigan germetik qoplama yoki maxsus idishda saqlang.
- O‘ram ochilgandan keyin sariyog‘ni ikki hafta ichida iste’mol qiling.
- Yaxshi sifatli, yangi sariyog‘ sevimli taomlaringizga o‘zgacha ta’m va hid bag‘ishlaydi.
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
