Xurmodagi tabiiy shakarlar — glyukoza, fruktoza va saxaroza — organizmga tez energiya beradi. Bu energiya keskin ko‘tarilmaydi, aksincha, asta-sekin oshib, charchoqni kamaytiradi. Mashqdan keyin 2–3 dona xurmo esangiz, diqqatlaringiz qayta tiklanadi.
Hazm tizimi yengil ishlaydi
Xurmo — tolalarga boy meva. U ichak harakatini normallashtiradi, qabziyatning oldini oladi va probiotik bakteriyalarni ko‘paytirishga yordam beradi. Kuniga 3–4 dona xurmo toksinlarni tezroq chiqarib, ichakni tozalaydi.
Yurak va qon tomirlar uchun foydali
Xurmo tarkibidagi kaliy, magniy va antioksidantlar yurak faoliyatini mustahkamlaydi. Kaliy qon bosimini barqaror saqlaydi, magniy yurak mushaklarini himoyalaydi, antioksidantlar esa “yomon” xolesterinni kamaytiradi. Natijada qon tomirlar sog‘lom va elastik bo‘lib qoladi.
Suyaklar mustahkamlanadi
Xurmoda kalsiy, fosfor, magniy va bor yetarlicha. Bu moddalar suyak zichligini oshiradi, mo‘rtlashish xavfini kamaytiradi. Muntazam xurmo iste’mol qilinsa, suyaklar kuchliroq bo‘ladi.
Immunitetni ko‘taradi
A, C, D vitaminlari va temir moddasi immun tizimni “ko‘tarib” qo‘yadi. Xurmo organizmni shamollash va viruslarga qarshi chidamli qiladi. Beta-karotin esa terini silliq qiladi, qarish jarayonni sekinlashtiradi.
Tanani tozalaydi
Xurmo antioksidantlarga boy bo‘lgani uchun jigarni faol ishlatadi, og‘ir metall va zararli moddalarni organizmdan chiqarishga yordam beradi. Detoks uchun tabiiy va yoqimli usul desak xato bo‘lmaydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
