Davlat xavfsizlik xizmati “26 iyun - Xalqaro giyohvandlikka va giyohvandlik vositalarining noqonuniy aylanishiga qarshi kurash” kuni munosabati bilan hamda Narkotik moddalarni nazorat qilish Davlat komissiyasi Raisi tomonidan tasdiqlangan “Giyohvandlikka qarshi kurash oyligi” doirasida respublika huquqni muhofaza qilish idoralari tomonidan noqonuniy muomaladan musodara qilingan giyohvandlik vositalarini yo‘q qilish bo‘yicha navbatdagi tadbirni o‘tkazdi.
Bugun 626 kg 981 gr. giyohvandlik vositalari, shu jumladan 4 kg 96 gr. geroin, 127 kg 154 gr. opiy, 25 kg 426 gr. gashish, 266 kg 35 gr. marixuana, 105 kg 511 gr. ko‘knor, 97 kg 209 gr. kannabis, 1 kg 543 gr. sintetik narkotik vositalari hamda turli xildagi psixotrop va psixofaol moddalar yoqish yo‘li bilan yo‘q qilindi.
Respublikamizda qo‘llanib kelinayotgan tajribaga tayangan holda, sud idoralarida ashyoviy dalil sifatida o‘tgan narkotik vositalar, hukm kuchga kirgandan so‘ng, respublikamizning vakolatli idoralari, xalqaro tashkilotlar, diplomatik korpus, ommaviy axborot vositalari va jamoatchilik vakillari ishtirokida, maxsus pechlarda yoqish yo‘li bilan yo‘q qilinadi.
Giyohvand moddalar savdosi dunyo hamjamiyati oldida turgan global muammolardan biri sanaladi.
Markaziy Osiyo mintaqasida giyohvand moddalarning noqonuniy aylanishi ko‘rsatkichlari bevosita Afg‘onistonda narkotiklar yetishtirish hajmining kamaymayotganligi bilan bog‘liq.
O‘zbekiston Markaziy Osiyoning boshqa davlatlari kabi afg‘on giyohvand moddalarini «shimoliy yo‘nalish» bo‘yicha olib chiqish tranzit yo‘lida joylashganligi bois, mamlakatimizda musodara qilinayotgan giyohvand moddalar bevosita Afg‘onistondan, shuningdek, Tojikiston va Qirg‘iziston orqali kontrabanda yo‘li bilan olib kirilmoqda.
Xususan, 2019 yilda DXX idoralari tomonidan giyohvand moddalar bilan bog‘liq 330 dan ortiq jinoyat aniqlanib, 377 kg dan ziyod giyohvandlik vositalari musodara qilindi.
Shuningdek, giyohvandlik vositalari ro‘yxatiga kiritilgan qariyb 336 ming dona “Tramadol” tabletkasi hamda 40 ming donadan ortiq kuchli ta’sir qiluvchi, psixotrop va psixofaol dori vositalarining noqonuniy savdosiga chek qo‘yildi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Sariqmi yoki yashil: qaysi turdagi banan foydaliroq?
Rossiya dunyodagi birinchi vodorod yoqilg‘ili avtomobilni taqdim etdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
Ortiqcha vaznli insonlar uchun sog‘lom ovqatlanishning beshta muhim qoidasi
