2025-yil 1-noyabr kuni nemis supermodeli va teleboshlovchisi Haydi Klum Nyu-York shahrida o‘tkazilgan 24-yillik Xellouin kechasida yana bir bor o‘zining betakror qiyofasi bilan barchani hayratga soldi. Harpers Bazaar ma'lumotiga ko‘ra, bu yil Klum yunon mifologiyasidagi Meduza – qarashi odamlarni toshga aylantiradigan Gorgona qiyofasini tanladi.
Uning turmush o‘rtog‘i, musiqachi Tom Kaulits, bu g‘oyani to‘ldirib, Meduza bilan jangdan so‘ng toshga aylangan ritsar qiyofasida namoyon bo‘ldi. Model yashil rangli, to‘liq «ilon terisi» bilan qoplangan kostyumda, o‘tkir tirnoqlar, uzun dum va sariq ko‘zlar bilan sahnaga chiqdi.
Unga sochlariga o‘ralgan jonli ilonlar va ikkiga bo‘lingan til kabi detallarga e'tibor berildi, bu esa Klumni deyarli tanib bo‘lmas darajaga keltirdi. Haydi Klum avval ham o‘zining noodatiy g‘oyalari bilan mashhur bo‘lgan.
U ilgari E.T. – sayyoradan tashqari mavjudot, Cirque du Soleil artistlari bilan birga tovus, ulkan chuvalchang va hatto «Shrek» multfilmidan Fiona qiyofalarida ko‘rinish bergan.
Shuningdek, uning mashhur qiyofalari orasida jodugar, vampir va qora mushuk ham bor.
