Joriy yilning yanvar–sentyabr oylarida O‘zbekistonda tug‘ilish ko‘rsatkichlari yuqori darajada saqlanib qoldi. Milliy statistika qo‘mitasi ma’lumotlariga ko‘ra, bu borada Samarqand viloyati yetakchi hudud sifatida qayd etildi.
Tahlillarga asosan, to‘qqiz oy ichida Samarqand viloyatida 80 mingdan ortiq chaqaloq dunyoga kelgan. Bu ko‘rsatkich respublika bo‘yicha eng yuqori natija hisoblanadi. Ikkinchi pog‘onani Qashqadaryo viloyati egallab, u yerda 75 mingdan ziyod tug‘ilish qayd etilgan. Farg‘ona viloyati esa 74 mingdan ortiq chaqaloq bilan uchinchi o‘rindan joy olgan.
Shuningdek, Surxondaryo, Andijon va Namangan viloyatlarida ham tug‘ilish ko‘rsatkichlari ancha yuqori bo‘lib qolmoqda. Toshkent viloyati va poytaxt shahrida esa bu raqamlar 50 mingga yaqinlashgan.
Nisbatan kamroq tug‘ilish Navoiy, Jizzax, Sirdaryo viloyatlari hamda Qoraqalpog‘iston Respublikasi hissasiga to‘g‘ri kelgan.
Qisqasi, demografik o‘sish hanuz faol davom etmoqda va Samarqand viloyati bu jarayonda asosiy drayverlardan biri bo‘lib qolyapti.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
