Italiyalik sobiq hujumchi Luka Toni fikricha, Massimiliano Allegri “Milan”ning o‘yin uslubini qo‘l ostidagi futbolchilarning imkoniyatlariga moslab qurmoqda. Bu haqda euro-football.ru xabar beradi.
Toni ta’kidlashicha, murabbiy markaziy himoyachilar raqib hujumchilariga qarshi yakkama-yakka vaziyatlarda u qadar kuchli emasligini inobatga olib, ularni yarim himoyaga yaqinroq joylashtirgan. Natijada Rafael Leau hamda Kristian Pulishich hujumga yorib kirishda qo‘shimcha o‘n metr “tezlanish masofasi”ga ega bo‘lmoqda — Allegri aynan shuni xohlayapti, deya uning so‘zlarini pianetamilan.it keltiradi.
Eslatib o‘tamiz, hozirda “Milan” A Seriya turnir jadvalida ikkinchi o‘rinda bormoqda. Keyingi turda klub poytaxtning “Roma” jamoasiga qarshi maydonga tushadi.
“Zamin”ni Telegramʻda oʻqing!
