Италиялик собиқ ҳужумчи Лука Тони фикрича, Массимилиано Аллегри «Милан»нинг ўйин услубини қўл остидаги футболчиларнинг имкониятларига мослаб қурмоқда. Бу ҳақда euro-football.ru хабар беради.
Тони таъкидлашича, мураббий марказий ҳимоячилар рақиб ҳужумчиларига қарши яккама-якка вазиятларда у қадар кучли эмаслигини инобатга олиб, уларни ярим ҳимояга яқинроқ жойлаштирган. Натижада Рафаэл Леау ҳамда Кристиан Пулишич ҳужумга ёриб киришда қўшимча ўн метр «тезланиш масофаси»га эга бўлмоқда — Аллегри айнан шуни хоҳлаяпти, дея унинг сўзларини pianetamilan.it келтиради.
Эслатиб ўтамиз, ҳозирда «Милан» А Серия турнир жадвалида иккинчи ўринда бормоқда. Кейинги турда клуб пойтахтнинг «Рома» жамоасига қарши майдонга тушади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
