Bundesliganing 19-turida “Frayburg” va “Kyo'ln” o'rtasidagi bahs voqealarga boy tarzda o'tdi. Bu haqda euro-football.ru xabar beradi.
Uchrashuvning 10-daqiqasida hisobni mehmonlar ochdi: Maks Rozenfelder to'pni o'z darvozasiga kiritib yubordi. Biroq “Frayburg” tezda javob qaytardi — 11-daqiqada Yuito Sudzukining uzatmasidan so'ng Derri Sherhant darvozabon ustidan to'pni oshirib, muvozanatni tikladi. Tanaffus oldidan, 44-daqiqada esa Igor Matanovich Mattias Ginter uzatmasini golga aylantirib, mezbonlarni oldinga olib chiqdi — 2:1.
Ikkinchi bo'lim o'rtalarida “Kyo'ln” darvozasi tomon penalti belgilandi: Alessio Kastro-Montes qo'l bilan o'ynagani qayd etildi. Ammo Matanovich 11 metrlik zarbani golga aylantira olmadi — darvozabon to'pni qaytarib, burchak zarbasiga yo'naltirdi.
Ushbu g'alabadan so'ng “Frayburg” turnir jadvalida 7-o'ringa ko'tarildi, “Kyo'ln” esa 10-pog'onada qoldi.
“Zamin”ni Telegramʻda oʻqing!
