Rossiya terma jamoasi bosh murabbiyi Valeriy Karpin “Monako” yarim himoyachisi Aleksandr Golovinga “Real”ga qarshi o‘yin oldidan maslahat bergani haqidagi postiga izoh berdi. Bu haqda euro-football.ru xabar beradi.
Eslatib o‘tamiz, 20 yanvar kuni “Monako” Chempionlar ligasida Madridda “Real”ga 1:6 hisobida yirik mag‘lub bo‘lgandi. Uchrashuv arafasida Karpin rossiyalik futbolchi bilan tushgan suratni joylab, unga bir nechta tavsiyalar berganini aytgandi.
“Golovinning o‘yinini stadionda ko‘rdim, afsuski, muvaffaqiyatsiz kechdi. Men bergan maslahatlar — hazil va kinoya, xolos. Men unga nima ham deb maslahat bera olardim? Buning uchun murabbiylar shtabi bor”, — deya Karpinning so‘zlarini “Chempionat” keltiradi.
Golovin joriy mavsum Fransiya Liga 1 musobaqasida 13 ta uchrashuvda maydonga tushib, 2 ta gol urdi va 1 ta golli uzatma amalga oshirdi.
“Zamin”ni Telegramʻda oʻqing!
